Sjokoladekaaskoek paaseier

2 sjokolade paaseiers

1 blik kondensmelk

1 houer roomkaas

sap van twee suurlemoene

1/2 veselperske

2 frambose

Klits kondensmelk, suurlemoensap en roomkaas deeglik saam.

Sit elke eier in 'n koppie om dit regop te hou

Breek die top van die eier af, soos met 'n gekookte eier

Skep die kondensmelkmengsel in 'n spuitsak en spuit elke eier vol tot bo

Plaas in yskas om te stol

Verpulp die veselperske en frambose om soos eiergeel te lyk

Skep versigtig 'n ronde gat in die "eierwit" en vul met die geel mengsel 

Ligte gemmerkoekies

125g sagte botter

1 eier, geklits

250ml bruinsuiker

125ml gouestroop

350g meelblom, gesif

5 ml koeksoda

5 ml gemmerpoeier

5 ml kaneel

5 ml gemengde speserye

• Klits saam die botter, eiers, suiker en stroop to goed gemeng en romerig
• Sif die droë bestanddele saam
• Voeg by die bottermengsel en klop tot ‘n sagyte deeg gevorm word
• Skep teelepelsvol op ‘n bakplaat – druk dit plat of gebruik ‘n koekiedruk masjientjie
• Bak by 180°C vir 12 tot 15 minute  tot bruin en gaar
• Laat afkoek op ‘n draadrak

Versiering

100g gesifte versiersuiker

30g botter

2.5ml gemmer gemeng met 17.5 ml gouestroop

• Smelt suiker, botter en gemmer saam in ‘n pan en roer voortdurend.  Laat goed afkoel.
• Plak twee koekies op mekaar met die versiermengsel 

Resep van "The biscuitbook"

Franse eiervruggereg

2 medium eiervrugte

2 koppies oorskietvleis of vis

2 medium uie, fyngesny en gebraai tot sag en deurskynend – sout en peper

1 dl paprika

1 el tamatiepuree

4 el suurroom

• Sny die eiervrug in die lengte deur
• Maak kruis en dwars snytjies oor die oppervlakte, maar moenie deursny nie
• Besprinkel met sout en laat 30 minute staan om te sweet
• Bak by 180°C vir so 15 minute tot sag
• Skep die vleis van die eiervrug uit, meng met die res van die bestanddele behalwe die suurroom
• Skep in die eiervrugdoppe
• Skep 1 el suurroom bo op elke eiervrughelfte
• Bak by 180° C tot goudbruin – so 15 minute  

Kurnik – Russiese hoenderpastei

1 hoender

2 uie, fyn gesny

1 blokkie hoenderekstrak

1 klein pakkie fyngesnyde sampioene

2 el fyngekapte salie of pietersielie

Sap en skil van een klein suurlemoen

1 el neutmuskaat

3 el mielieblom

2 el gekapte dille

1 koppie rys

4 hardgekookte eiers, fyn gekap en met die dille gemeng

• Braai die uie saam met die sampioene tot sag en gaar – so 10 minute lank
• Voeg die hoender, die hoenderekstrak en salie/pietersielie by en kook tot gaar
• Verwyder die vleis van die been, maar behou al die sous
• Kook die rys in 2 koppies van die sous tot gaar. Voeg nog kookwater by indien nodig
• Voeg die neutmuskaat, suurlemoensap en skil asook die mielieblom by die res van die sous en kook tot die sous verdik
• Voeg die hoenderstukkies by en kook deur tot warm

Kors

125 g sagte botter

125g suurroom

2 eiers

Knippie sout

200g meelblom

 2 tl bakpoeier

• Klop die botter en suurroom saam
• Skei die wit en geel van die eier, en voeg die geel by
• Meng goed
• Voeg die droë bestanddele by en meng tot ‘n sagte deeg
• Draai in kleefplastiek toe en verkoel vir 30 minute in die yskas
• Pak ‘n laag rys in ‘n oondbak, dan ‘n laag hoender en strooi dan ‘n laag eier oor
• Eindig met ‘n laag rys
• Rol die deeg dun uit en bedek die vleismengsel daarmee
• Sny ‘n kruisie in die middel van die deeg vir die stoom om te ontsnap
• Klits die tweede eier effens met ‘n vurk en verf oor die deeg
• Bak by 180°C tot goudbruin en gaar

Resep van Jamie Oliver  

Mississippi modderkoek

500 ml meelblom

1 ½ koppie strooisuiker

½ koppie bruinsuiker

¾ koppie donker kakaopoeier bv Antigua te koop by Woolies

2 tl bakpoeier

1½ tl koeksoda

¾ tl sout

¾ koppie olie

2 eiers

2 tl vanielje ekstrak

½ koppie melk

½ koppie suurroom

1 koppie kookwater

Versiersel

1 pak klein wit malvalekkers

125 ml botter

 6 el melk

3 opgehoopte el kakaopoeier

1 tl vanielje ekstrak

3 k versiersuiker

• Voorverhit oond tot 180°C
• Voer ‘n koekpan met bakpapier uit en spuit met Spray ’n Cook
• Meng al die droë bestanddele saam
• Roer die res van die bestanddele by en meng deeglik
• Bak vir so 28 – 33 minute tot gaar
• Bedek die koek met die malvalekkers en bak vir nog so 3 minute tot effens opgepof en gesmelt
• Laat goed afkoel

Versiersel

• Smelt die botter in ;n kastrol
• Voeg melk en kakao by en klop goed
• Kook vir so 2 -3 minute terwyl jy die mengsel aanmekaar roer
• Verwyder van die hitte en roer vanielje en suiker by.  Meng deeglik tot suiker gesmelt het
• Drup oor die koek en laat staan tot die versiersel geset het (so 30 minute)

Resep van Tastebetterfromscratch

Kaas-en uie beskuitjies

Voorverhit oond tot 190°C

500ml koekmeel

4 ml sout

2 ml rooipeper

1 pakkie wit uiesop

6 ml bakpoeier

120ml botter

300ml gerasperde kaas

2 eiergele

100ml yswater

• Sif die droë bestanddele, behalwe soppoeier
• Gooi soppoeier by
• Vryf die botter in die meel tot fyn krummels vorm
• Meng met die kaas
• Klits die eiergele saam met die yswater en sny in die meelmengsel om deeg te vorm (ek het meer as 100ml yswater nodig gehad)
• Verkoel vir 15 minute
• Rol dun uit en druk vormpies met ‘n koekiedrukker
• Bak vir 10 tot 12 minute by 190° C tot goudbruin

Resep van Boerekos.com

Sjokodadelballetjies

Nog gesond ook daarby:

250g dadels, fyn gesny en saggemaak in titsel kook water

100g fyn gekapte neute

20ml kakao

250ml fyn klapper

30ml heuning

• Meng alles saam, vorm bolletjies en rol in sesamesade.

Resep van “Jy het ‘n wenresep” op Viakanaal  147